.
.
خلك مع اللي يسندونك ليـا طحـت
وابعد عن اللي يفرحـون بعثاريـك
واحذر من النمام ياصـااح لابحـت
ماكل من تعطيـه سـرّك يداريـك
واليا مشيت بدرب ياصاح وافلحـت
خل اتكالـك بالولـي هـو ينجيـك
وان جتك كلمه ناكسه حادره تحـت
عنها ترفّع لو هـي بنـار تكويـك
وادمح وخلك سمح لاجيت وان رحت
يتعب ردي العرف وشلون يغويـك
واعدا عدوينك ليـا مـن تسامحـت
ماله طريقٍ صوبـك الا يصافيـك
وتراك لامنك حسن ضن رجحـت
ثم خل سوء الضن ترميـه اياديـك
كذا تعيش مريّـح البـال وارتحـت
من هم طرد الكلمـه اللـي تواذيـك
وايااك يابن الطيب لاتاكل السحـت
اوصيك والله قبل اوصّيـك ناهيـك
والرزق والله يابن الاجواد لو صحت
شـيٍ لـك الله كاتبـه مايعـديـك
واللي تبع غيرك من الناس لو رحت
ولو هو بجنبـك ماتنوشـه اياديـك
هذي نصايح من بغاها له انصحـت
مابي سوا قولة عسـى الله يخليـك
.
.
سلامتكم